|
|
|
|
Sky Main
Page » |
القصيدة
(الياس زغيب) |
|
دقّت بوابي وكان نصّ الليل
وفاتت...
قبل ما قلها: فوتي
وصارت بلهفة من الولع والمَيل
تفلفِش
حنايا شعور مكبوتة
غافي كنت!
والحلم واعي... وصار
يغازل صباها، تغازلو أكتر
هوّي؟!
بعَينو يرهج المشوار،
وهيّي؟!
بعينا يرقص الدّفتر
وبين الوعي والمش وعي استسلمت
وعا مكتبي...
متل المبنّج قمت:
حملت القلم، صار القلم ملهوف
يسمع حكي...
يرسم صور بحروف،
وملايكة من الجنّ
تهمس وحي مألوف
مدري!
الورق بيحنّ
مدري!
الحبر بيشوف...
حسّيت قلبي سال من صدري
وخلقت قصيدة
عمرها سرقة
مدري أنا اللي كتبتها... مدري؟
صارت «أنا» المكتوب عَ الورقة...
الياس
زغيب
2000 |
|
«تــجــاوز»
مجلة إلكترونيَّة شهريَّة
أدبيَّة ثقافيَّة
تصدر عن جمعيَّة «تجاوز»،
وتنشر إلكترونيًّا وحصريًّا عبر موقعنا:
Sky of
LEBANON.com
|
العدد الرابع
أيلول (سبتمبر) 2006 |
|
|
|
شعر بالعاميَّة |
 |
|
|