إنْتي سِني بْأجْمَلْ فُصولِ مْزَيَّني
فيكي الحَلَى بْيرْسُمْ صُوَرْ فَوْقِ القَمَرْ،
شالِكْ رَبيعْ مَرْجو وَسيعْ عِطْرو بَديعْ،
صَيْف وْدَفا وْنَسْمِة صَفا بْتَعْطِي الشِفا،
دْموعِكْ شِتي بْتِرْوي البحِرْ عندِ الفجرْ،
رْموشِكْ غُصون مْرَنَّحَهْ عِندِ الضحى،
إنْتي سِني: تْنَعشَرْ شَهِرْ، رِقّة وْسِحِرْ،
بْقَلبي كَتَمْتِ الحبّ... ما بْيَعرِفْ حَدا
كْتَبْتِكْ على سْطورِ الهَوى جرْحِ وْدَوا،
تِشْرين شو تارِكْ على عَينِكْ حَكي،
وِغْيوم خَلْفِ غْيوم عا وِسْعِ السما
وْكانون ساكِبْ عَتْمِتو بْشَعْرِ الطويلْ
وِالتَلْج يغْزِلِّكْ على غْصونِ الشجَرْ
وِشْباطْ طَرَّزْلِكْ مِنِ حْبوبِ المطرْ
زَهْرا بْشَهِرْ آذار مَيَّلْها الهَوى،
نيسان زَهْرِ اللَوزْ فَتَّحْ عالخَصِرْ،
والنَحْل غَطّ وْطارْ عَشفافِ الوردْ
إنْتي بْشَهرِ نَوّارْ مِلّيْتي السَما
وْلَمّا شَمِسْ هالصَيفْ هَلِّتْ عالدِني
وْتَمّوزْ ما بْيِشْبَعْ مِنِ خْدودِكْ غَزَلْ،
وْرَقْصِتْ سَنابلْ آبْ مِنْ كِتْرِ الفرَحْ
بِكْيِتْ سَما أيلولْ عا فْراقِكْ نَوَى...
وَيْنِكْ يا روحِ القلْبْ، يا أبْهى قَمَرْ،
إنْتي يا حَفْنِةْ شَوقْ بلْيالي السَمَرْ
بْأحْلى قَدَرْ، كِنْتي بْزَمانِ الوَلْدَني،
فيكي الهَوى آياتْ حُبّ مْعَنْوَني.
قَبِّةْ قَميصِكْ مِنْ زُهور مْكَوَّني،
وْحَبِّةْ كَرَزْ بَيْنِ الشَفايِفْ ساكِني...
غَيمةْ حِلِمْ منها الحَقِلْ روحو جنِي.
بْتِعْلى مَعِ رْياحِ الخريفِ وْتِنحِني.
زادِتْ على عُمري الهَني أحلى سِني.
إنّي بحِبْرِ القلب يَلْ فيكي ظني.
مَنْبَعْ أمَلْ مِنّو الوجودِ بْيغْتِني.
وْنَغْمات فَوق خْدود حَمْرا مْدَوَّني،
تِرْسُمْ إلِكْ لَوحات حِلْوي مْزَيَّني...
وِبْلَون لَيلاتو العُوينِ مْلَوَّني،
فِسْتان بكْمامو الرياحِ مْفَنَّني،
شالِ بْلَيالي البَرْد فيكي يعْتِني...
وِالسِحر مَلّى جْرار مِنْ عِطرا الغَني.
وِلْغارْ فوقِ الصدرِ خَيَّمْ عالدِني،
يقْطُفْ شَهِدْ بجْوانْحو امْدَنْدني.
شي ألْف عَصفور وفَراشي وسَوسَني،
بْشَعْرِكْ دَفا حْزَيران عِرْزالو بِني،
غَنّى إلُنْ أحلى قَصيدي مْلَحّني،
لَمّا بقُرْبِ سْهُولْهُنْ طَيفِكْ دِني.
تْيَتَّمْ شَجَرْ الحْقول، مِنْ دونِكْ فِني.
يَلّي بْحلاكي الناسْ رَحْ بتْجَنِّني؟
إنْتي الهَوى، إنْتي الدِني: كِلِّ الدِني.
فادي غزال |