بَيتي نْغَمَرْ بالصِدْقِ وِالإيمانْ

جَوِّ الفَرَحْ بالبَيتِ وِالتَحْنانْ

وْلَمّا الاَلَمْ يِظْهَرْ على إنْسانْ

يْشُوفِ السِنِينِ، العُمْرِ والأزْمانْ

تِسْكَر مِنِ العَتْبي، مِنِ الأركانْ

تْشُفِ الأمَلْ زَهَّرْ عَلى الحِيطانْ

قام وغَمَرْ هالخالِقِ الرَحْمانْ

 

سِرّو ما فِينا نُوصْفو بْكِلْمي

خَلّوا القَهِرْ يِتْحَوَّلِ لْنَغْمي

يدْخُلْ عَ بَيْتي يِبْدِلو بْبَسْمِي.

تِمْرُق بسرعهْ بْخِفِّةِ النَسْمِي...

وِحْدِة أهِلْ بتْبَيْعِدِ القِسْمي

وْعِمْقِ المَحَبّي تْصَوَّرِ بْرَسْمي،

بْبَيْتِي وْهَتَفْ يا مْبارَكِ بإسْمي.