|
وِجّك كإنّو الضَوّ
مِنْ حالو
وِعِي
وْبَلّشْ
عَ مَهْلو يكْشُفِ سْرارِ المدى
صَوْتَكْ... كإنّو جْراسْ
عَمْ
تِنْدَهْ: تَعي
يا غِرْبةِ
الأيّامْ! في
عنْدك حَدا
حِلْمَكْ.
كإنّو خَزّقِ جْفونو الوَعي
وْضَوّا
بِهاكِ الليلِ قِنديلِ الفِدا.
وْها
النجمة اللي فَوق،
ما تِعْبتْ
سَهَرْ...
قَوْلَكْ
عَ صَدْرِ العَتْم
مِنِ
مْضَوِّيا؟
صَرلا
زَمانِ كْتير عَمْ تِرْسُمْ صُوَرْ
وْتُغْمُر
لنا هالدرْبِ... حتّى نِمْشِيا
يا رَيْتْ
عمري كانْ
شي
هْدِيِّةْ مَجوسْ
وِمْغَلَّفي بقْشُورْ ضِعْفي... وْتِقْبَلا
وْأُغْمُر
الأرضِ الناطرَةْ
بْطَرْحِة
عروسْ،
طَيْفَكْ
عَ حِلمِ جديد يمْرُقْ ينْقِلا
وْإنْدَهْ
مَعِ الرِعْيان بالعَتْمِه
على هاكِ
المَلاكِ يْطِلّ
وِيضَوّي
الفَلا
وِيطوف
نَهْرِ الحبّ يُغْمُر هالوُجودْ
وْإقْشَعِ
الكَونِ زْغير... والوقتِ انتَلى
ورَدِّدْ
معِ الوِدْيانْ آياتِ السُجودْ:
الظلمِ
انْجلى... و"المجْدِ للهِ بالعُلى".
وْإلْمَح
وَطَن لِبنانْ تَ تْتِمّ العهُودْ
تْرابو
احْترَقْ بَخّور... والنَسْمِة صَلا!
رَبّي يا
طِفْلِ زغيرْ
بمْغارَهْ
عِتْقِ
الزَمَنْ حِيطانْها... ضَجَّرْ
وْلِمّا
بمِذْوَدْ جيتْها بشارَهْ
نَبْع
الحياةِ بْصَخرها تْفَجَّرْ
وْنِزْلِتْ
سَما... عا أرْضنا زْيارَهْ
مَرْيَم عَ
جَنْبَكْ راكْعا بخْشوعْ
تحفظ سِرّا
وَعْدَكِ السّلمي
بْتَعْرِفْ
بإنَّكْ للعَطشْ يَنبوعْ
وْجايي
تْضَوّي سْراجْ بالظِلْمِهْ
يسوعْ!
حلمِ الكونْ
يا يسوعْ
"كِلْمِة"
كِنِتْ... والأرْض نَهْرِ دْموعْ
و"السيفْ"
ما كان يِرْحَمِ المَوجوعْ
وليلِةْ
ميلادَكْ؟
بَلَّشِ
بْها الكَوْن يدْبَلِ السيف
وْتِزهِرِ
الكِلمهْ!
15/12/2003
|
